Ukrayna prezidenti Vladimir Zelenski Hollandiyanın baş naziri Mark Rutte ilə telefon danışığından sonra bildirib ki, Niderland Ukraynaya daha 1 milyard avro hərbi yardım və ikitərəfli təhlükəsizlik sazişi çərçivəsində öhdəliklərə əlavə olaraq yenidənqurma üçün 400 milyon avro ayırıb.
Onun sözlərinə görə, bu barədə ona baş nazir Mark Rutte telefon danışığında məlumat verib.
“Telefon danışığında baş nazir Mark Rutte indicə Hollandiyanın Ukraynaya hərbi yardım üçün daha 1 milyard avro və yenidənqurma üçün 400 milyon avro ayırdığını açıqladı. Bu, bizim ikitərəfli təhlükəsizlik sazişimizdən irəli gələn öhdəliklərə əlavədir” – Zelenski teleqramda yazıb.
Zelenskinin sözlərinə görə, tərəflər Ukraynaya artilleriya mərmiləri, döyüş sursatları və hava hücumundan müdafiə sistemlərinin tədarükünü sürətləndirmək üçün tərəfdaşlarla işləməyi də müzakirə ediblər. O, həmçinin Haaqada keçirilən “Ukrayna üçün ədalət” konfransının nəticələrinə əsasən Zərərin Reyestrinin işə salınmasına görə Rutteyə təşəkkür edib.
Rutte qərarı şərh edərkən bildirib ki, Ukrayna “Rusiyanın təcavüzü ilə hər gün xarabalığa çevrilir” və onun daha çox özünümüdafiə vasitələrinə ehtiyacı var. O qeyd edib ki, bu məbləğ Amsterdam tərəfindən artıq təsdiqlənmiş 2 milyard avroya əlavə olunacaq.
“Bundan əlavə, biz beynəlxalq tərəfdaşlarla birlikdə daha çox sursat və hava hücumundan müdafiə vasitələrinin çatdırılması üçün mümkün olan hər şeyi edirik... Ukrayna bu döyüşdə qalib gəlməlidir. Onların və bizim təhlükəsizliyimiz üçün”, o əlavə edib.
Mart ayında Rutte Hollandiyanın Ukraynaya hərbi dəstək üçün əlavə 2 milyard avro maliyyə ayıracağını açıqlamışdı.
Həmçinin oxuyun: