Американската компанија Амазон им забрани на агенциите за спроведување на законот да ја користат нејзината програма Rekognition на една година.
Одлуката е донесена во позадина на масовните протести поради смртта на афроамериканецот Џорџ Флојд, откако беше брутално приведен. По овој инцидент, активистите за човекови права изразија загриженост за можна расистичка пристрасност во таквите технологии.
„Се залагавме владите да усвојат построги правила со кои се регулира етичката употреба на технологијата за препознавање лица, а во последните денови Конгресот (американскиот) изгледа подготвен да го прифати предизвикот“, се вели во соопштението.
Во исто време, раководството на Амазон нагласи дека оваа забрана нема да влијае на организациите кои бараат исчезнати деца и се борат против трговијата со луѓе.
Исто така, на 9 јуни, IBM објави дека повеќе нема да развива и продава софтвер за препознавање лица. Оваа одлука е поврзана и со смртта на Флојд.
Прочитајте исто така: